昔日東方政情：確診11日 葛珮帆終於好番
之前都講過，議員葛珮帆（EQ）早前中咗招，到咗尋日下晝快測結果終於變番一條線。佢話自己確診足足11日，期望今日可以復工。
EQ喺社交平台貼文，話原本尋日朝早會出席一個有關強制舉報虐兒嘅圓桌會議，但快測結果仍然係兩條線，所以只能喺網上出席，但會議結束後喺一點鐘左右再做快測，結果就係一條線。
確診期咁長，佢話中咗招頭嗰7日真係好病，呢兩日慢慢好轉，依家仍然未完全康復，仲有鼻塞、周身痠痛同幾聲咳，但精神算係唔錯，佢話會繼續食中藥調理。
立會議辦職員慘遭雙疫夾擊
實際上，唔單止佢病咗，佢喺立法會大樓嘅議員辦事處被雙疫夾擊。佢話自從喺內地訪問返嚟冇返過立法會嘅辦事處，但近日辦事處嘅同事全部病咗，有啲中咗新冠，亦有啲中咗流感，所以估計呢個星期，辦事處都未能完全回復正常嘅工作。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
