政情：800人齊做瑜伽輪 破世界紀錄

鄭泳舜話疫後社會復常，市民嘅身心靈健康都要復常，希望能夠透過今次活動，提升市民嘅身心靈健康，同時凝聚不同界別人士，將運動與共融嘅理念普及至社會各界。而出席活動嘅仲包括房屋局局長何永賢，佢就形容今次活動體現「Happy Healthy Hong Kong」，難得喺西九文化區同市民一齊親近草地，進行有益身心靈嘅活動，又呼籲大家平時多做瑜伽同其他運動，將健康嘅理念，融入生活之中。

而巡禮活動仲包括寵物瑜伽在內嘅多樣瑜伽工作坊、頌缽及運動工作坊、運動挑戰站、健康檢查、運動表演、Busking，以及20多個攤位遊戲等，吸引幾千名市民，包括不少年輕人，以及家長帶同小朋友一齊到場體驗，一齊傳遞身心靈健康正能量。