昔日東方政情：做主席甩轆 鄭泳舜漏叫官員發言
政府日前公布新嘅區議會方案，立法會民政及文化體育事務委員會同政制事務委員會尋日召開聯席會議討論。身兼民政委員會主席嘅議員鄭泳舜就擔任聯席會議主席，但唔知係咪首次主持聯席會議而太緊張，佢竟然「甩轆」喎。
話說聯席會議一開波，有主持會議經驗嘅鄭泳舜竟然冇按照議事程序，喺傾「完善地區治理工作」呢項議程嘅時候，唔記得先叫官員發言，反而係叫議員管浩鳴（管牧）發言先喎。
話有啲緊張 惹全場大笑
當管牧講唔夠兩句，鄭泳舜先回神過嚟，叫官員補番，面露尷尬咁話唔好意思，因「自己有啲緊張」喎，惹全場議員大笑。主持會議「甩轆」嘅事件可以話時有發生，譬如立法會主席梁君彥曾試過，誤將議員簡慧敏，叫錯藝人「周慧敏」喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
