昔日東方政情：越界踩入工程師學會 何永賢惹嬲嬲
究竟建築師可否置身於工程師嘅組織呢？本身係建築師嘅房屋局局長何永賢，被香港工程師學會（HKIE）接納為資深會員。本報收到投訴，斥何永賢「越界」任工程師會員，過程涉違會章規定，亦冇申報；該學會會長卜國明亦被指干涉學會討論同表決，係對工程師嘅尊嚴同專業規範嘅公然挑釁咁話。而卜就強調內部事務無可奉告，又話過往亦有類似嘅例子。
學會會長亦被指干涉表決
署名「一群憤怒的工程師」，批評何永賢成為HKIE資深會員係「不當行為」，而卜國明不但係其中一位支持者，且漠視理事會嘅反對意見，又威逼部分理事會會員，支持通過何嘅申請，意圖操控批核程序。
就有關指控，何永賢則回覆話早前接受香港工程師學會「邀請」加入成為其資深會員，昨日口頭上得悉已獲審批成為會員。待收到正式通知，會按既定程序作出申報。佢又話非常感謝工程師學會，能加入他們的大家庭，深感榮幸。
卜國明就話所有HKIE嘅內部事務一般無可奉告，但若有其他從事建築行業嘅資深專業人士加入，可大大促進業界交流、促進工程師專業發展。佢強調過往已有例子，重申十分高興並歡迎何永賢嘅加入。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
