政情：腳傷初愈 聶德權勢跑渣馬「找數」

既然係傷愈首次復跑，Patrick形容心情興奮、激動。但當然要更加小心，Patrick依舊選咗喺家居附近嘅城門河畔練跑。憶起呢3個月嘅腳患，佢話睇過骨科中醫針灸，仲話停跑嘅日子唔好過。咦！出年1月會舉行另一次渣打馬拉松，睇佢係咪會兌現承諾嘞！

點解咁講？話說Patrick本來參加2月嘅渣馬，點知開跑前夕，佢喺社交平台貼文，上載咗佢套「戰衣」，但竟然係話要退賽，事關喺兩星期前腳部受傷，雖然已馬上緊急「搶修」，但到最後一刻仍未康復，未能及時參賽，仲話覺得好遺憾同失望。當時佢仲多謝已捐款支持佢同香港防癌會嘅朋友，話一定會跑番一次全馬「找數」。