政情：夫妻關係惹疑 蕭偉強話中招合時

但尋日終於輪到佢啦！佢尋日喺社交平台貼文話自已終於確診，講笑話「算唔算恢復名譽」喎。

其實蕭偉強太太早排中咗招，近日先出關。兩公婆仲專登去食餐好嘅，話要慶祝太太打咗4針都陽完又陽，終於出關加上邂逅踏入40年喎。但係冇諗過呢頭慶祝太太出關，嗰頭佢就中招，世事真係奇妙嘞！

打咗4針嘅又點止佢太太，其實蕭偉強之前都打咗4針，只係一直無中啫！見到佢確診，唔少曾經都中過招嘅朋友留言話呢啲係「人人平等」喎。