昔日東方政情：冇嘢要講 內會5分鐘收檔
類似「有事稟報，無事退朝」嘅古裝片情節，仍然會發生喺今日嘅議會裏面。譬如立法會尋日舉行嘅內務委員會會議，只係進行咗5分鐘，內會主席就話「今日冇其他事項提出」，跟住就宣布結束會議。咁短嘅開會時間即使談不上「快過打針」，但同淥個杯麵相比，恐怕亦相差無幾啦。
議員開心到歡呼
內務委員會嘅職能，主要為立法會會議作準備，並商議與立法會事務有關嘅事宜，或成立法案委員會研究法案等。而尋日開會時間之所以咁短暫，因內會主席須匯報佢同政務司司長會面嘅情況時，就話「冇特別事向各位匯報」，而交代餘下嘅會議事項亦只屬照本宣科，好快就可以完結，當在座嘅議員一聽到散會，都難掩興奮嘅心情，發出「哇哇哇」嘅歡呼聲。
若無重大議題，內會會議係可以較快完結，一般而言唔會超過半小時，雖說完善選舉制度之後，泛民阻礙內會進行嘅情況不復存在，但就算會議進度「暢通無阻」，僅得5分鐘就宣布散水，又會唔會快咗啲呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
