昔日東方政情：香港仔街市重開 陳家珮趁熱鬧
作為「街市現代化計劃」首個項目嘅香港仔街市，重啟日期一拖再拖後，尋日終於開始分階段投入服務。議員陳家珮係南區嘅街坊，亦都趁立法會開完會之後，同埋兩位黨友專程去買餸，話要親身體驗新街市嘅氣氛喎。到底佢對翻新後嘅街市有咩評價呢？
相信會成為新熱點
香港仔街市尋日約有80個攤檔投入服務，陳家珮話確實畀到大家耳目一新嘅感覺。佢話去到街市嘅時候，雖然已經6點幾，但人流都仲係好多。佢話經過重新規劃之後，街市內嘅空間確實比起以前寬闊好多，行得相當舒服，況且入面仲有好多新設施，佢相信隨住更多檔商開業，翻新後嘅街市大樓將會成為香港仔嘅新熱點咁話。
陳家珮行經菜檔，話依家可以用八達通畀錢買餸，非常方便。之不過，生菜同油麥菜賣成12元一斤，菜價會唔會較翻新工程前貴咗呢？相信要買開餸嘅主婦先至知啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
