政情：狄志遠倫敦跑馬拉松 慢到似散步

日前圓滿結束嘅倫敦馬拉松，跑手之一嘅議員狄志遠（Dick）完賽後未踏上歸途，佢嘅社交專頁已經有網民留言，要求分享今次跑倫馬嘅成績。其實阿Dick跑完冇幾耐，其成績已上載相關嘅大會網站，佢係用咗6小時46分零7秒跑完42.195公里嘅路程，阿Dick頭15公里保持時速7公里，但明顯愈跑愈慢，接近一半路程徘徊於時速5至6公里之間，於是有口痕網民嘲笑佢係「倫馬散步」。