政情：貼心駐滬辦入境組 走入校園為港生辦證

駐滬辦入境組走入校園，為身處當地嘅香港師生辦理申領香港旅行證件服務，等佢哋可以直接喺學校遞交申請同領取證件，唔使專登請假，既方便又慳時間。當日仲得到上海市公安局出入境管理局嘅支持，為有需要嘅人士處理回鄉證換領手續添，活動大受師生歡迎。

現場設置宣傳打卡區，向到場申領證件嘅人士介紹組別嘅功能同工作，以及入境處嘅最新服務，例如「入境處提提您」個人化訊息提示、香港居民喺境外身陷困境嘅求助途徑、網上申請香港特區護照、非觸式e-道等等。入境處話會總結經驗，繼續為內地生活嘅香港居民提供更優質、更便利嘅服務。