政情：張美雄讀解夢分析內容

佢話讀解夢嘅原因，係因為有段時間經常發清醒夢，即係夢入邊知道自己發緊夢，甚至有時係可以控制到自己夢境發展。佢話可能嗰段時間比較重視自我修行，心境比較清明，加上有記低發夢內容嘅習慣，所以自我意識好似較好，發清醒夢嘅次數都多啲。不過，佢話近一年發嘅夢都變番係潛意識反射為主，想發番清醒夢都發唔番喎。

對於有啲街坊叫佢幫手解夢，佢就話雖然課程讀完，考試都過咗關，但最近少咗練習，又生疏番，仲話交流吓就無所謂，但想專業解夢就建議搵番佢老師好啲喎。