昔日東方政情：何永賢拒北上察視 李梓敬斥長官意志
喺早前嘅立法會會議上，有議員公開邀請房屋局局長何永賢一齊前往湖南長沙考察組裝合成技術，但最終不見人影，一班議員「慘食檸檬」，局方僅派政治助理歐陽文倩出席。尋日，多名隨團議員召開記者會匯報考察成果，其中議員李梓敬就重提事件，不滿局方只派政助出席，又認為局方應該接觸不同新技術，唔好「長官意志」，認為自己嗰套就一定係最好。
不滿只派政助隨行
今年2月底，李梓敬、邱達根、狄志遠等議員共赴長沙考察，指當地採用全不銹鋼建築材料，可重用性高，有別於傳統水泥建築，平均一日能安裝3層，每平方呎造價僅590元，認為港府亦應採用相關技術建造簡約公屋，不應墨守成規。
而對於何永賢未有隨團考察，只派政助隨行，李梓敬不滿有關做法，坦言如果局長真係可以去睇，相信效果會更加理想。又促請局方接觸不同新技術，千萬唔好「長官意志」，認為自己嗰套嘢就一定係最好。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
