政情：何永賢拒北上察視 李梓敬斥長官意志

喺早前嘅立法會會議上，有議員公開邀請房屋局局長何永賢一齊前往湖南長沙考察組裝合成技術，但最終不見人影，一班議員「慘食檸檬」，局方僅派政治助理歐陽文倩出席。尋日，多名隨團議員召開記者會匯報考察成果，其中議員李梓敬就重提事件，不滿局方只派政助出席，又認為局方應該接觸不同新技術，唔好「長官意志」，認為自己嗰套就一定係最好。