政情：高球手奪錦標 林健鋒派帽贈同僚

原來頂帽係身兼行政會議成員嘅議員林健鋒送嘅，而且來頭一啲都唔惹少！事關上個月香港高爾夫球手許龍一贏得「國際都會高爾夫球錦標賽」冠軍，同時係1959年之後，第一位土生土長嘅香港球手，獲得參加4大滿貫之一嘅「英國公開賽」參賽資格。作為高爾夫球愛好者嘅林健鋒，自然親赴現場睇波，唔單止咁，仲攞咗好多個許龍一嘅簽名添！而呢啲簽名就喺晒咁多頂帽上面。

林健鋒話會送畀上月到場睇錦標賽嘅議員同事，好似葉劉淑儀、劉業強、陳克勤、簡慧敏同張宇人等等，而狄志遠仲主動要求希望獲得呢頂帽添！而且話每個議員同事收到都覺得好開心同興奮，因為估唔到佢真係攞到簽名咁話。