政情：練波拉斷腳跟腱 卓永興錯過大戰

立法會同政府兩隊足球隊將於下個月有一場友誼賽，有關備戰嘅操練已經開始。打算屆時喺綠茵場上一展球技嘅政務司副司長卓永興，尋日傳來壞消息。話說上禮拜六（15日）晚，佢出席政府足球隊嘅首次賽前練習，結果不慎拉斷右腳跟腱，旋即移送醫院診治，接受手術後需打石膏，同埋告咗幾日假，雖然今日可以復工，但下個月就落唔到場踢波嘞。