政情：立會嘉賓日午宴 事隔4年再現

唔少議員都有邀請朋友出席午宴，當中亦包括立法會主席梁君彥。科技及創新界邱達根（Duncan）同另一名亦同業界好熟落嘅議員吳傑莊，都有喺社平台上載相片同貼文，話立法會嘉賓日午宴昨日再度復辦。Duncan話特別宴請咗業界10幾個友好到立法會大樓共進午餐，用另一種輕鬆嘅方法，一邊品嘗美食，一邊與業界互動交流。

吳傑莊亦邀請咗一班創科業界嘅好朋友到立法會午宴，仲話原來上一次午宴已經係2019年5月，大家都等咗4年先可以參與。佢仲話喺宴會前，帶咗班朋友參觀立法會，令佢哋加深了解立法會嘅運作同功能，同時認識更多議員日常嘅工作。