政情：避風塘泊位唔夠 梁熙促政府出手

梁熙喺社交平台貼文，指有船主向佢反映，獲發牌照嘅船隻數目持續增加，而大部分船主都會選擇將船隻停泊靠近市區嘅避風塘；另一方面，由於避風塘採用混合停泊，經常出現小船被大船包圍，甚至要喺船罅間左穿右插嘅情況，可以話險象環生之餘，亦不時因此而產生糾紛。佢話筲箕灣避風塘泊位不足、船隻亂泊、水道狹窄等問題存在已久，但處方至今仍未有任何擴建工程或管理措施。

鑑於颱風季節即將來臨，梁熙認為政府應積極改善避風塘嘅管理同設施，例如喺避風塘內劃分區域，將漁船同遊艇泊位分開，避免出現事故；但要有效改善泊位不足及擠迫問題，長遠而言都係要擴建避風塘先至得。