政情：葉劉行山抬腿拉筋 網民驚嘆難度爆燈

葉劉喺社交媒體貼文，講到行山有冇拉筋嘅時候，佢就話其實自己無論工作有幾繁重，都會抽空做運動，仲透露趁周末約咗朋友享受香港行山嘅樂趣。

享受還享受，葉劉都好注重運動安全，有做足熱身動作，例如拉筋咁，仲影埋出嚟畀班網友睇。見佢着咗淺藍色嘅瑜伽套裝，做咗抬腿拉筋高難度動作，有唔少網友都留言讚勁，亦有網民大讚話「抬腿這難度極高動作」。其實葉劉今年72歲，可以保持到咁柔軟，可以做到呢啲動作都真係唔容易。