政情：成藥周身刀 李家仁：唔代表更好

李家仁又話，市面上愈來愈多綜合型成藥，既可針對發燒頭痛、又可紓緩喉痛或鼻塞。但成藥即使係「周身刀」，最終都要講求對症下藥，如果病徵只係發燒頭痛，簡簡單單嘅退燒藥就夠，無謂付出額外金錢，購買無需要嘅藥效成分。佢又話標榜「特強」嘅成藥，其實只能減輕病況，而唔係加快痊愈；畢竟藥到病除，係需要一定嘅時間。

講起藥物，李家仁話貓狗等寵物都有頭㷫身熱嘅時候。雖然有部分藥物，人同貓狗都通用，但止痛退燒藥就絕對不宜，事關動物嘅肝臟唔能夠化解「撲熱息痛」（Paracetamol），可能會中毒，尤其是貓較狗更為敏感，好少分量就足以致命。