政情：梁子穎：貨櫃碼頭自動化作業 可保就業

比較紅色區域嘅碼頭員工有1,900人，藍色區域嘅自動化碼頭只得200人作業，但梁子穎認為兩者並行運作，其實係相輔相成。佢話引入自動化系統可提升效率、增加收入、結果就係保障工人就業；況且科技可減低誤差、提升工業安全。佢話山東嘅港口已具有十大全球首創技術，包括無人碼頭智能監管系統、氫動能軌道吊技術及系統、機械人自動拆裝貨櫃箱旋鎖技術及系統等，佢話帶領物流業走向世界領先地位，資訊科技人才先至有出路。

梁子穎又提到，香港貨櫃碼頭曾幾何時都係世界第一。佢認為港府要突破思維，須及早為碼頭籌劃改造建設，盡早改善香港物流業嘅經營前景，以免失去人才及經濟動力，阻礙發展。