昔日東方政情：尚海龍戴小紅帽 細看前海建築
呢排香港舊區例如土瓜灣同紅磡街頭巷尾都擠滿「小紅帽」，呢啲都係嚟香港旅遊嘅內地旅客，甚至爆出「立食」兩餸飯，惹起外界關注平價同劣質團嘅問題。呢啲問題未解決，仍然不斷有人加入「小紅帽」嘅行列，當中竟然有議員。
呢個戴小紅帽嘅議員唔係潛入內地旅遊團搵料做「臥底」，反而係去咗內地。邊個？佢叫「尚工」！貼士咁明顯，估到喇，佢係尚海龍。佢確實戴住小紅帽，但唔係內地遊嘅紅色Cap帽，而係地盤嘅安全帽，紅彤彤嘅顏色中間映照住兩條高柱形嘅物體，究竟係乜嘢嚟？置身喺樓宇工地嘅佢就話「我的小紅帽上倒映着前海發展速度」。
責北部都會進展停滯不前
尚海龍喺社交平台貼文，話日前去參觀深圳前海嘅發展，由設計、下防浮樁、地面平整、起樓、幾條地鐵匯入、天際線形成、污水處理、上CIM，一氣呵成，速度快！佢仲扯到停留喺口噏噏階段嘅北部都會區，期望有破除各種困難嘅決心同勇氣，早日開工喎。又睇吓政府點？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
