政情：手上似雪又似雲 傅曉琳考起眾人

有網民喺傅曉琳嘅社交專頁留言，形容有舊雲喺佢手上面，其實大家都知道無可能，反而佢手執一舊雪嘅可能性更大，之不過無戴手套嘅情況下，皮膚真係要抵得住赤凍先得，況且相片背景唔見有積雪，於是有人懷疑，佢只不過用棉花代替雪。儘管佢不置可否，不過北京依家仍然係寒風蕭瑟呢一點，似乎大家都無異議。

去完冬奧場地，傅曉琳就登上八達嶺長城。可能攀上長城陡峭嘅「好漢坡」好花氣力，連帶體溫上升，佢脫下厚厚嘅大褸之餘，仲買咗杯軟雪糕慢慢歎添。到底喺寒風下食雪糕係乜嘢滋味呢？咁就要佢自己先至知啦。