政情：試揸電動車 陳紹雄有新發現

唔單止「防瞌眼瞓」鏡頭，佢話當日試駕嘅電動車亦有自動泊車功能，按照政府法例要求，安裝符合國際標準嘅車輛聲響警示系統，避免低速行駛時行人無法透過聲音判斷路面情況。

電動車功能好，但冇充電站就乜都郁唔到。陳紹雄話一直叫政府要定期檢視電動車市場嘅成熟程度同配套是否充足，尤其係優化充電樁嘅比例，又重提早前去珠海考察內地新能源公共交通，見到市區沿途有唔少路邊充電樁，便利電動車充電，佢話呢啲經驗絕對值得香港借鑑，希望政府積極參考，加快推動電動車普及化嘅步伐喎。