政情：何俊賢落雨踢波 勝在涼爽

何俊賢話尋日雨勢唔算大，雖然有人因此而跣倒，但好彩議員們就冇。儘管烏雲蔽日，但勝在「涼涼地」，所以佢哋先可以踢咁耐，如果係大太陽的話，恐怕踢一陣就會體力不支喎！

至於尋日綠茵場上有4隊足球隊，何俊賢同邱達根就喺IT隊「客串」踢咗兩場，旅遊界代表姚柏良就喺旅遊隊踢咗一場、另一場就充當IT隊球員。最終嘅戰績，係IT隊一和一負，何俊賢形容「算係咁」啦，畢竟對手實力都幾強橫，但佢相信「遇強愈強」嘅練習，有助適應正式比賽咁話。