政情：林超英警告 水淹人工島

俗稱「明日大嶼」嘅交椅洲人工島計劃近期引嚟熱議，天文台前台長林超英早前喺綠色和平嘅影片話，海水上升趨勢會延續兩、三百年，甚至1,000年，明日大嶼嘅人工島可能被水淹沒，只會製造本來唔存在嘅危險，更遑論解決土地問題。發展局尋日喺社交網站發貼文，不點名咁反駁質疑交椅洲人工島項目嘅言論，稱採用咁長年期嘅假設並唔合常理，亦唔符合國際準則。