政情：港漂議員轉頻道 同僚都跟到

話說尋日嘅會議，主席吳永嘉並無現身，於是改由副主席譚岳衡主持。咁啱與會嘅政府代表、創新科技及工業局局長孫東，以及議員尚海龍、洪雯等，同譚一樣都係「港漂」人士，於是各人喺開設工業專員嘅討論中採用普通話；屬於「本地薑」嘅議員黃錦輝、馬逢國可能受語言氛圍嘅影響，即使講粵語會較為流利，亦選擇用普通話發言。

至於「堅持」用粵語發言嘅議員吳傑莊，喺孫東回應過後，都用普通話講聲「謝謝」。後來議程去到討論「設立100億元產學研1+計劃的建議」時，唔知點解，尚海龍同黃錦輝突然用番粵語，不過馬逢國就貫徹始終，照用普通話。