要聞港聞

政情:新議辦揀美孚 梁文廣話有段古

梁文廣(右)話美孚係佢從政生涯一個重要節點。 梁文廣(右)話美孚係佢從政生涯一個重要節點。
梁文廣(右)話美孚係佢從政生涯一個重要節點。
議員作為民意代表,除咗立法會綜合大樓嘅辦公室,亦會開設地區辦事處。九龍西直選議員梁文廣同選委會界議員陳凱欣,兩人喺美孚嘅「孖頭」議辦前日開張。梁文廣話,美孚都可算係佢從政生涯其中一個重要節點,事關佢剛從事地區工作,其中一個協助做嘅請願倡議,就係爭取改善美孚港鐵站A出口嘅行人環境。
剛出道向港鐵爭升降機
梁文廣憶述十多年前自己剛「出道」,美孚已經係一個入伙40多年嘅社區,人口漸呈老化,然而當時嘅港鐵站設施未能照顧長者需要,譬如出咗閘機之後,要喺隧道行一段長距離同埋要爬樓梯,先至抵達路面。而經過多年來嘅爭取,港鐵終於落實喺A出口增設升降機,但礙於要避開地面設施,工程已經進行咗兩年啦。雖然過程好漫長,但佢都相信升降機可以喺明年啟用。
由於美孚人口老化日益加劇,有關保健嘅需求十分殷切。梁文廣話美孚同其他基層社區相比,街坊嘅教育程度普遍較高,對科技嘅應用好快上手,好適宜推廣樂齡科技咁話。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500