昔日東方政情：前廳交流會3‧22再開 6議題要交代
雖然話社會復常，但係環境衞生依然搞唔掂，到處都係老鼠樂園，政府搞嘅打擊衞生黑點真係做騷咁做。話說第8次立法會前廳交流會定喺下周三舉行，6項討論議題中，就包括環境衞生及食物安全同環境保護，睇怕唔少議員都會重提政府打擊衞生黑點不力。
勢炮轟衞生黑點問題
當日嘅交流會將由朝早9點至10點半舉行。今次由政務司司長帶隊，出席交流會嘅官員包括文化體育及旅遊局，以及環境及生態局。會議將有6項議題，喺環境衞生及食物安全同環境保護之外，仲有爭取更多大型體育盛事在港舉行、碳中和及能源、旅遊事務署嘅最新工作計劃、康樂及文化事務署嘅最新工作計劃，以及自然保育及漁農業發展。
話時話，香港大致復常，又已經同內地通關，旅客日漸增多，但旅遊業界就缺乏人手，班議員肯定追瘦班官，有乜方法可以幫助業界，仲有康文署場地炒場問題未解決，相關嘅部門肯定被炮轟，睇吓到時點交代嘞！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
