政情：區選安排 仍未落實 民政處電郵 疑洩密

話說民主派嘅沙田區議會副主席冼卓嵐日前喺社交平台上載咗張相，佢喺貼文話「係咪透露緊畀我知下屆區議會點劃區」？原來佢收到沙田民政處畀佢嘅電郵，唔知係咪民政處職員搞錯，喺郵件上面竟然寫住「馬鞍山區議會，冼卓嵐議員」。

依家18個區議會，只有沙田區議會，並沒有馬鞍山區議會，而冼卓嵐所屬嘅選區係耀安，呢個選區確實喺馬鞍山。見到封電郵，同為民主派嘅油尖旺區議會副主席朱子洛都忍唔住留言話「你知得太多了」。

可能係多咗個區議會，油尖旺區議員李偉鋒留言話係咪要請多個「DO」，即係民政事務專員。大埔區議會主席毛家俊亦留言話「係咪拎埋我哋呢邊個西貢北先」？冼卓嵐回應話「可能西貢北遲下『回歸』西貢區議會」，另有網友就話「脫離沙田區，如昔日葵青區脫離荃灣區般」。亦有網友話「佢（民政處）係咪想打馬鞍山區議員？定係想打沙田區議會？」仲話搞到佢好亂添！有個網友索性將18區議會重新劃界，當中仲有將軍澳區議會添！

講到天花亂墜都冇用，事關權不在你手。按過往嘅做法，應該喺年底進行區議會換屆選舉，但政府日前書面回覆立法會議員提問，仲係話仍在積極進行地方行政檢討，而建議細節仍有待進一步敲定，因此暫時未適宜公開，畀議員鬧爆「答咗等於冇答」。

話時話，政府喺前年要求全體區議員宣誓，而因辭職潮加上被取消區議員資格（DQ），原有479個議席僅剩低189名議員，有幾個區議會得番2至3名議員，連大會都唔夠法定人數開，仲被政府嘲為殘缺不全，及後仲暫停區議會喺社區參與計劃同地區小型工程計劃項目嘅撥款權，改由其他部門處理，政府否認削權，仲話係收拾殘局。

區議會以咁嘅殘局方式又運作到喎。但眼見屆滿期日漸逼近，有意角逐議席嘅人都急起嚟，而坊間亦傳出唔同嘅選舉改革版本，吹得最行嘅係「333」方案，即係回復委任；分區委員會、地區滅罪委員會同防火委員會嘅成員，採取間選方式，而直選就由單議席單票制改為雙議席單票制，呢個係咪最終方案？大家拭目以待喇！

話說民主派嘅沙田區議會副主席冼卓嵐日前喺社交平台上載咗張相，佢喺貼文話「係咪透露緊畀我知下屆區議會點劃區」？原來佢收到沙田民政處畀佢嘅電郵，唔知係咪民政處職員搞錯，嘅郵件上面竟然寫住「馬鞍山區議會，冼卓嵐議員」。

依家18個區議會，只有沙田區議會，並沒有馬鞍山區議會，而冼卓嵐所屬嘅選區係耀安，呢個選區確實喺馬鞍山。見到封電郵，同為民主派嘅油尖旺區議會副主席朱子洛都忍唔住留言話「你知得太多了」。

可能係多咗個區議會，油尖旺區議員李偉鋒留言話係咪要請多個「DO」，即係民政事務專員。大埔區議會主席毛家俊亦留言話「係咪拎埋我哋呢邊個西貢北先」？冼卓嵐回應話「可能西貢北遲下『回歸』西貢區議會」，另有網友就話「脫離沙田區，如昔日葵青區脫離荃灣區般」。亦有網友話「佢（民政處）係咪想打馬鞍山區議員？定係想打沙田區議會？」仲話搞到佢好亂添！有個網友索性將18區議會重新劃界，當中仲有將軍澳區議會添！

講到天花亂墜都冇用，事關權不在你手。按過往嘅做法，應該喺年底進行區議會換屆選舉，但政府日前書面回覆立法會議員提問，仲係話仍在積極進行地方行政檢討，而建議細節仍有待進一步敲定，因此暫時未適宜公開，畀議員鬧爆「答咗等於冇答」。

話時話，政府喺前年要求全體區議員宣誓，而因辭職潮加上被取消區議員資格（DQ），原有479個議席僅剩低189名議員，有幾個區議會得番2至3名議員，連大會都唔夠法定人數開，仲被政府嘲為殘缺不全，及後仲暫停區議會喺社區參與計劃同地區小型工程計劃項目嘅撥款權，改由其他部門處理，政府否認削權，仲話係收拾殘局。

區議會以咁嘅殘局方式又運作到喎。但眼見屆滿期日漸逼近，有意角逐議席嘅人都急起嚟，而坊間亦傳出唔同嘅選舉改革版本，吹得最行嘅係「333」方案，即係回復委任；分區委員會、地區滅罪委員會同防火委員會嘅成員，採取間選方式，而直選就由單議席單票制改為雙議席單票制，呢個係咪最終方案？大家拭目以待喇！