市民受困嚇怕 巨響以為行雷

有剛巧遇上困（車立）的慈雲山居民直言感到「怕怕」，並指「在升降機內被困十幾分鐘，嚇死咗」；有居民乍聞巨響，初時以為是打雷，「我哋都聽到，以為係行雷，仲走出去望吓係咪落雨添」。

另有網民當時正逛街，目睹閃光發生一刻，「我喺街度，閃咗下白光，超級光，連頭上天橋都睇唔到，跟住好大聲喺蒲崗村道公園方向傳出」。

此外，有市民乍聞大廈火警鐘大鳴，均以為大廈發生火警，直至走出屋外了解，始知是受電力驟降影響，幸好警鐘未幾回復正常。有網民特別向為市民解困的消防致謝，「喺呢啲情況下會發生升降機困人同火警鐘響，辛苦晒各位消防員」，尖沙咀及粉嶺的市民同樣感同身受，分別稱「唔怪得尖沙咀嘅路燈突然熄晒啦」，「尋晚粉嶺都分別閃咗兩下」。

在青衣區則有網民表示，長發商場電燈「閃咗一下」，多名市民均表示發現「跳一跳電」或「啲燈閃咗一下」，更有人聲稱聽到爆炸聲或「睇到山上電塔跳火」。有網民形容事發那刻閃光特別亮，「我喺屋企拉埋窗簾都知出面閃咗下，勁光」！