笑看天下：夢醒時分 後悔已太遲

澳洲喺美國、英國眼中，恐怕係「錢多，人傻，速落疊」嘅寫照！不是嗎？美國總統拜登、英國首相辛偉誠與澳洲總理阿爾巴內塞，不久前喺加州聖迭戈公布核潛艇合作細節，澳洲將採購美國二手核潛艇，並與英國研製下一代核潛艇，最快2030年代後期交付。呢個項目耗資3,680億澳元（約1.9萬億港元）。此外，澳洲仲要「補貼」美英兩國船廠。澳洲將擴建其斯特靈海軍基地支援核潛艇，未來4年向美英核潛艇生產線提供30億澳元（約157億港元）。