政情：立會男團加女將 容海恩大展歌喉

前晚4名男團成員，包括議員梁熙、李鎮強、管浩鳴同陸瀚民喺灣仔修頓球場唱Liveband，現場逾800觀眾，而男團獻唱嘅第一首金曲就係《上海灘》，旋即掀熱潮，有份上台嘅仲有特別嘉賓，係畀李鎮強封為「立會梅姐」嘅議員容海恩（Eunice）嘞！雖然Eunice曾畀人話係鵝公喉，但見佢喺台上獨唱《風的季節》，其實都係唱得之人。

李鎮強就話好感動，事關當佢進場時，有市民話以前睇過佢嘅表演，前晚特登喺九龍坐車過去香港島再聽佢唱歌，令佢感到驚喜萬分。議員平時好忙，佢話男團同立記梅姐事前無排練過，好彩大會嘅樂隊非常專業，能夠掌握佢哋嘅節奏同歌聲，令聲藝表演嘅效果唔錯。