政情：梁子穎一噏廣告詞 逗笑後座同事

立法會尋日辯論有關同鄉社團嘅議案，梁子穎以「乜咁啱嘅」為開場白，交代佢過去加入同鄉會嘅經過。話說佢喺5年前某社區活動中遇見珠寶商人鄺美雲，兩人甫見面，就問對方嘅鄉下喺邊，結果大家不禁高呼「乜咁啱嘅！」，事關兩人同屬珠海斗門！既然咁有緣，梁子穎從此就展開佢喺同鄉會嘅工作。可能梁子穎嘅發言，令坐喺後面嘅議員林素蔚想起佢喺宣傳片中「乜咁啱嘅」嘅詼諧演繹，都忍唔往笑咗出嚟。

議員尚海龍雖然冇拍出位宣傳片，但佢喺議會發言時專登高歌一曲《我的中國心》以表達鄉誼情懷。似乎佢都懂得掌握「流量密碼」喎。