昔日東方政情：區嘉宏率團參訪 拓闊青苗眼光
外交部駐港特派員公署尋日點解咁多學生嘅？原來係一向諗頭多多、注重培育青少年發展嘅入境處，趁住入境處青少年領袖團踏入成立10周年，特別籌備咗唔同類型嘅慶祝活動，尋日就由處長區嘉宏帶領下，安排青少年領袖團去公署參訪學習。領袖團更加係疫情後第一支去公署參訪嘅紀律部隊青少年團體添！
一齊賞外交紀錄片
有份去參觀嘅團員約50人，係嚟自救世軍卜維廉中學，同埋仁濟醫院董之英紀念中學。兩小時嘅活動行程好緊湊，先有潘雲東副特派員帶團員參觀國家外交歷程圖片展，之後一齊欣賞外交紀錄片，最後仲有青年外交官向團員講解涉港領事保護嘅工作。所有團員都表現踴躍，收穫豐富，擴闊國際視野。
區嘉宏話好感謝公署特別安排今次嘅活動，佢期望「青苗他日，可為棟樑」，為團員打打氣，希望佢哋繼續努力，成為具備世界視野的新一代，為香港發展作出貢獻。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
