政情：豬形蛋糕賀生日 林琳夫婦好甜蜜

林琳前晚喺社交平台上載咗相，佢老公喺佢塊臉錫咗啖，而喺林琳面前就放咗個豬豬蛋糕，相當甜蜜，佢仲戴咗頂皇冠添！佢喺貼文中多謝老公，話自己又大一歲喇！仲話係簡簡單單過生日，感到開心。好多黨友同網友都留言，祝佢哋生活美滿。

話時話，喺上個月嘅情人節前夕，佢哋就自製泥膠一齊整豬豬塔，兩公婆足足用咗一個鐘整層層疊豬，由於低估咗豬豬嘅重量，仲愈疊就愈歪就嚟瞓低，而到咗翌日，就直情塌咗嘞！