政情：陳紹雄北上考察 試坐電動小巴

陳紹雄梗係唔熟路啦，事關佢哋身處內地一所汽車廠。話說佢哋3人早前前往內地考察，見到廠方為香港生產嘅電動小巴，於是走上去試坐咁啫。講起小巴司機，林筱魯話因應人口老化，智能科技應用於運輸業係未來嘅大趨勢，縱使短期仲有好多挑戰，如路面混合駕駛嘅問題，但佢相信做好相關法例同道路規劃，加上高密度嘅地圖，無人駕駛最終都有落實嘅一日。

林筱魯又話依家嘅語音科技好成熟，而即使係無人駕駛，相信乘客仍然可以嗌「司機，前面有落」。