政情：陸頌雄抗議傾倒核廢水 揚言罷食日海產

陸頌雄斥責日本一意孤行，執意傾倒核廢水，此舉無疑自拆海產金招牌，亦自行撕破其貌似環保嘅虛假面具，勢將牽連全球食物鏈，後患無窮。佢話日本應該繼續儲存核廢水，直至出現更妥善嘅解決方法，反正福島絕對大把地方。佢又呼籲港府必須考慮禁止日本海產進口，否則佢自己都會罷食日本海產，仲係要以年計添。其後佢又向在場傳媒表示，自己平日好少買日本海產，又強調「除非日本首相飲兩杯核廢水，咁我就無嘢講」。

其實自日本宣布排放核廢水，港府已成立跨部門小組，環境局亦將加強檢測日本海產，並考慮暫停進口一段時間。