政情：反修例時期「大佛」現淚痕 余漢坤：兩道縫口滲水

喺1989年建成嘅天壇大佛，其面龐及身體都係由銅板焊接而成。余漢坤話由於佛像面孔兩旁有縫口，長期日曬雨淋之下兩道滲水嘅痕迹，離遠睇就好似大佛一雙眼嘅眼尾有淚痕，為咗重現祥和嘅面目，以及趁機治理大佛底座嘅蓮花瓣滲水腐蝕情況，維修工程於2020年6月展開。喺工程進行期間，就發現大佛旁嘅銅像、佛像，尤其是天壇大佛底座下盤部分，有好多善信祈福而拋擲嘅硬幣，佢話善信咁做實無必要，並一再呼籲大家要文明禮佛，切勿投擲硬幣以尊重聖像。

余漢坤話過去30幾年，天壇大佛同港人度過好多風風雨雨，如果相信2019年嘅大佛真係有淚痕的話，其實依家已經維修好啦，希望可以同港人繼續走過未來嘅日子，香港再度欣欣向榮，相信大家嘅心都應該可以平靜落嚟。