政情：脂粉叢中過牛一 梁熙掛住頭號女神

梁熙喺社交平台貼文，指「頭號女神」就係佢媽媽，話相當感謝38年前嘅婦女節忍痛誕下咗佢，令佢嘅生日特別易記之餘，當眾人為女士慶祝婦女節時，亦會為佢呢位男士慶祝生日。不過，佢亦補充話自己嘅生日，其實亦都係偉大媽媽嘅「受難日」。但無論如何，佢嘅生日願望係希望一眾女神美艷動人，身體健康。

儘管又大一歲，距離不惑之年愈來愈近，但梁熙話尋日朝早同香港大學一班內地學生交流，期間受到佢哋嘅青春氣息感染，覺得自己好似後生咗10年咁話。