政情：議員考察深圳 讚嘆智能化打針

無人疫苗接種系統嘅硬件部分好似一個駕駛艙，楊永杰坐咗上去面對螢幕，旁邊嘅職員話接種者只需露出接種部位，機器消毒後即可快速完成注射，非常有效率。楊不禁讚嘆國家多年研發疫苗進程，各類「黑科技」琳琅滿目，令人大開眼界。佢認為香港有必要拓寬同內地嘅醫療合作領域，進一步提升兩地嘅預防疾病同控制水準。

自稱「林姑娘」嘅林素蔚就話，呢個系統實現智能預檢、無人接種一體化、省減複雜環節，率先勾勒未來疫苗接種嘅智慧化場景。佢話疫苗創新中心又透過多媒體數字技術、雕塑藝術、沙盤同模擬還原等手段，向參觀人士全面展現一幕幕人類藉疫苗對抗疫症嘅恢弘畫卷。