政情：立會導賞團 盧偉國鼓勵幼園生做議員

話說WK尋日喺社交平台貼文，話為嚟參觀立法會嘅幼稚園學生做導賞介紹，佢形容呢班K3同學仔好活潑，又同佢哋影咗張相添！佢仲同班小朋友介紹自己係嚟自工程界，又話「你哋將來都可以做議員㗎！」而老師就話「呢個都會係佢哋嘅目標」。

小朋友對立法會嘅事物都好好奇，未做議員之前，已經做咗立法會主席嘞！事關WK話班小朋友輪流坐上模擬立法會主席座椅打卡呀！仲話班小朋友笑得好開心。