昔日東方政情：無罩山賽 陸瀚民有愛妻陪跑
唔少議員都對運動好有興趣，正如議員陸瀚民就係跑步狂熱者啦，佢尋日喺Facebook分享撤銷口罩令之後，參加嘅第一個山賽喎。
陸瀚民話疫情期間嘅山賽，雖然大多喺郊野公園範圍舉行，但大會為安全起見，喺起跑同衝線後仲會要求跑手佩戴口罩，而依家口罩令撤銷，幾時都唔使戴口罩，佢就話連跑界都全面復常。據佢了解，呢兩日起碼有5場大小路賽同越野賽事舉行，今個月同下個月嘅賽程更加排得密密麻麻。
2.5小時完成16公里賽事
至於佢參加嘅山賽，就係完成迷你四徑港島徑賽事，由香港仔健身徑途經金夫人馳馬徑、渣甸山、畢拿山等7個地方，最終去到大潭水塘道，歷時大約兩個半鐘，完成16公里賽事。雖然跑咗咁耐，但相信佢都唔太辛苦，而且樂在其中添！一來佢素來有訓練，二來今次佢太太洪綺敏都有陪佢跑，佢仲話今個月同下個月嘅賽程排得密密麻麻，唔知會唔會繼續拍住上，參加更多比賽呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
