笑看天下：美國聲大無準賊喊捉賊

天下本無事，美國實擾之！美國最愛撩是鬥非，白宮發表《國家網絡安全戰略》，點名中國、俄羅斯、伊朗、北韓係「惡意行為者」，積極利用先進網絡能力，追求與美國利益及國際準則背道而馳嘅目標，無視網絡空間嘅法治與人權，威脅美國國家安全及經濟繁榮。另一邊廂，日美澳印「四方安全對話」喺印度新德里舉行外長會談，會後聲明不點名譴責俄羅斯威脅喺烏克蘭戰事中使用核武，批評做法不可接受；聲明又反對任何加劇南海局勢嘅單邊行動，非常關注喺有主權爭議領土嘅軍事化行為。