政情：北上主持女足開球 梁熙巧遇校友

話說去到木生緣球場，參加高校女子足球聯賽開球禮嘅梁熙，遇見久違嘅聖若瑟師兄、前香港游泳代表隊成員鍾國樑。作為師弟嘅梁熙話對方係長途自由泳嘅香港紀錄保持者，而自己過去喺游泳校隊中只係擔任後備，而唯一可以同師兄一齊落場嘅係普通話朗誦比賽喎。佢形容當年兩個傻孩子，依家喺不同崗位服務，卻有緣喺番禺重遇，實在係好難得。

至於梁熙有份主持開球禮嘅女足比賽，粵港澳三地嘅女子隊都有參與，現場更匯聚不少星級教練。佢話國家女足實力近年受國際認同，訓練環境完善，加上最優秀人才培訓，相信喺軟硬件合璧之下、廣州足球發展前景光明。

柯仔透露今次考察係一天團，主要有3個活動，除咗參加高校女子足球聯賽開球禮，仲有就係參觀大學城嘅粵港澳青年創業孵化器，以及粵澳青創國際產業加速器。