政情：議員按範疇組隊 北上考察大灣區

陳克勤表示，當局會連同全體議員先到廣州同省市領導會面，之後各個議員會再按唔同範疇，例如醫療、環保、金融、創科等，分為幾團到不同城市考察，佢話咁做相信對兩地經濟同政治民生等方面，有好大象徵意義。

佢又提到，自己關注環保議題，政府近年就話要大力發展新能源車輛，其實深圳的士同巴士已轉為電動化，覺得本港過去幾屆政府使咗差唔多200、300億，換老舊柴油車、貨車，但其實對路邊空氣質素改善唔係太大，主要原因係好多廢氣來自公共交通工具，所以佢認為香港可以借鑑深圳，並加快開展氫燃料電池雙層巴士及重型車輛試驗嘅步伐。

佢仲話政府可以參考內地嘅環保政策，而內地轉廢為能設施同技術先進，覺得議員都可以去參觀，帶動民間同商界加強交流咁話。