昔日東方政情：掌法案委會緊張 陸頌雄擺烏龍
要做到意見和而不同，確係有難度。就好似當討論職安健草案時，勞工同商界議員好多時持相反意見，包括就罰款金額爭論，更曾發生有議員不滿委員會主席、有勞工背景嘅陸頌雄「閘停」發言，最後拉隊離場。不過，相關草案尋日亦都已完成討論，會盡快恢復立法會二讀，而兩方議員亦似乎大和解，化干戈為玉帛，究竟內情係點樣呢？
承認同議員有火花
陸頌雄總結時將「工業意外一單都嫌多」，講成「工業意外一單都嫌少」，擺咗個烏龍，佢就話自己太緊張，希望透過呢個具阻嚇力嘅修訂，改善職業文化，亦指舊嘅法例都要與時俱進。
佢又講到自己首次擔任法案委員會主席，一直戰戰兢兢，最終有驚無險走到終點，又話大家意見未必一致，但方向相當接近，亦承認時間節奏掌握上，同議員有火花添。
商界議員李鎮強就感謝陸頌雄嘅包容，稱「辛苦你喇」，因為大家嘅初心都係希望做好呢條條例，睇嚟有時啲嘢愈辯愈明喇。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
