政情：小院舍縮位堪憂 議員促政府幫手

議員黎棟國喺會上話有部分中小型院舍位置較遠，而且面積較細，或需減少宿位而導致結業，質問政府「有咩可以幫到佢」。他又指當院舍唔符合政府要求而倒閉時，院友係需要搬遷，或引起一連串後果。

勞工及福利局副局長何啟明表示，有部分院舍水平未符合法例，所以條例設有過渡期，令市場可以適應，亦希望透過時間去令院舍思考自己嘅路線。

當局又指已主動聯絡需縮減宿位嘅院舍，會同營辦人商討，牌照處督察亦會同院舍保持緊密聯絡。

相關草案旨在提高相關院舍嘅人均面積同人手嘅法定最低標準。修訂包括60人以上的院舍需「一院一護士」，並提出將安老院舍最低人均樓面面積提高至8至9.5平方米。惟外界憂慮部分私營、尤其是中小型嘅院舍，可能會因無法符合相關要求而面臨倒閉，或須大幅加價，令成本轉嫁至院友。