昔日東方政情：建築設計比賽受歡迎 謝偉銓唔怕拍烏蠅
政府積極提倡「搶人才」，但本地人才有外流趨勢，其中以建築設計行業為例，亦都面臨人手短缺情況。建築、測量、都市規劃及園境界功能界別議員謝偉銓喺兩地全面通關後，亦積極籌備建築設計比賽，即前海‧香港青年設計師競賽，以加強兩地交流，聽聞相關活動過去亦受歡迎，依家怕唔怕因為人才流失而少咗設計師參與呢？
助了解內地 得到行內意見
謝偉銓話喺2019年舉辦嘅前海香港青年建築師設計競賽，喺前海核心嘅位置，桂灣公園內一座公共服務建築開展競賽，當時反應相當好，亦都租過大型巴士接載隊伍到場視察。佢又話比賽有助港青多了解內地，包括法規同內地發展，而設計師落實建築後亦會得到滿足感，亦會得到行內人士嘅意見等。
今年嘅比賽亦改咗部分模式，將參賽年齡放寬至45歲，參賽資格範圍擴大至多個建築相關學會，至於其中3個項目包括公共空間及藝術裝置概念方案，其中一作品更將放置喺深港廣場交易廣場段嘅中央。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
