昔日東方政情：張美雄過大海 除罩快閃
步入後疫情時代，唔少地方都逐步放鬆防疫限制，而鄰近嘅澳門政府日前亦率先宣布，尋日起唔再強制室外地方佩戴口罩。西貢區議員張美雄就即刻過大海，感受吓「除罩」行街嘅心情，仲話「除口罩先係真正復常」！
話除罩先係真正復常
話說張美雄尋日喺社交網站上，上載咗一張「除罩」同口罩揮手嘅相，話自己係「快閃」，仲寫往「拜拜口罩」。佢透露，今次係陪屋企人去「快閃」澳門，順便感受吓撤銷口罩令後嘅鄰埠，同埋「呼吸一下自由嘅空氣」。
佢認為依家當地啲人流多咗好多，所以希望港府都可以早啲撤銷口罩令，因為覺得口罩始終係疫情嘅象徵之一，只有「除口罩先係真正復常」。不過，雖然話就話係解除咗口罩令，但佢都發現條街仲有七成人係有戴口罩。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
