昔日東方政情：柯創盛走訪公屋 爆自細幫房署收租
投身政治圈前，相信唔少議員過去都會好積極參加社區事務，而觀塘區議會主席柯創盛（柯仔）亦唔例外。事緣柯仔尋日到德田邨探訪獨居長者同雙老家庭，其中一位老友記以前原來係做房屋署技工，而柯創盛細細個亦曾經幫過房屋署「做嘢」，亦有過淵源，究竟係啲咩呢？
話說有議員邀請房屋局局長何永賢去內地湖南省長沙市視察，睇吓內地點樣以組裝合成法加快起樓，但係佢冇去，尋日就聯同柯仔一齊去探公屋獨居長者。
與長者齊話當年
柯仔話同長者閒談期間，有個長者講開以前喺房屋署做技工，而柯仔就話喺「揹書包」年代，因為當時好多街坊都早出晚歸，無時間喺辦公時間交租，所以佢會幫手收租再交租。咁被問到房屋署經理有無為咗答謝佢而請佢飲茶呢？佢就話大家都哈哈哈，一笑置之喇！
講番探訪內容，柯仔話老友記都有了解到政府近期推出嘅房屋政策，尤其係佢哋以前住木屋區，明白好嘅居住環境係必須，亦希望政府繼續做好啲喎。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
