政情：試玩AI聊天機械人 謝偉銓話思想接近

而Tony就問咗兩個問題，其中一個係想知AI點睇前海同香港嘅交流合作，AI回答指要加強政策對接、提高人才流動性、加強經濟合作以及文化交流等。對於促進兩地業界合作，AI就建議舉辦多啲專業交流會議、實踐合作項目、加強人才培訓交流、設立合作平台，讓兩邊人才可以促進合作。

Tony直言諗法、方向等都非常接近，仲話有咁好嘅想法，當然要馬上行動。至於將會舉辦乜嘢活動，就要留意佢Facebook啦。但其實睇落AI嘅答案好似冇乜重點同埋具體措施喎，大部分都係提供方向建議，有咩實質搞作就要拭目以待喇。